MURCIA, SPAÑA (AFP).- Por lo ménos 13 persona a muri djadumingu mardugá den un diskotèk dje siudat spañó Murcia. E kantidat ta menasá na oumentá segun polis avansá den buska den e loke a keda dje nightclub, segun outoridatnan a anunsiá.
“A lokalisá diestres kadaver, kual nan ta den e instituto legal di medisina pa start ku e outopsianan korespondiente”, segun Josá Ballesta, alkalde di Murcia, den zùitost dje pais.
Na un promé instante por a identifiká tres dje víktimanan, miéntras ku e sobrá lo keda identifiká pa medio di tèstnan di ADN.
Outoridatnan a splika ku e operashonnan di buska no a kaba i ku e balanse di morto por sigui subi.
A bati alarma dje kandela, unu hopi grandi ku a plama lihé, 4 or di mardugá den kaya dje bario Atalayas, kaminda tin vários diskotèk. E vlamnan di kandela a kue otro dos lokalnan, kaminda ku trahadónan di reskate a haña e otro víktimanan.
E trabounan di reskate a kompliká debí na riesgo ku e edifisio lo basha den otro i e temperaturanan haltu. Te ku ayera no tabata sa kousa dje insendio.
Un hòmber ku a identifiká su mes komo Jairo i ku a presentá komo tata di un dje víktimanan, a duna di konosé di no tin notisia di su yu muhé di 28 aña. E yu a laga un mensahe riba telefòn den kua por a skucha ku e tabata yora.”Mami, mi stima bo, nos ta bai muri”, e mucha tabata grita miéntras ku tabatin hopi bochincha i gritunan pa sende lus.
