Ehérsito sudanes fuertemente armá ta enfrentá e grupo di paramilitarnan FAR, ku tambe ta konta ku material pisa di guera.
PORT SUDAN (AFP).- Paramilitarnan di Forsa di Apoyo Rápido (FAR) a mata 48 sivil durante un atake kontra di un pueblo den sentro di Sudan, segun un organisashon di abogadonan sudanes na fabor di demokrasia.
Sudan for di aprel di 2023 ta den un guera ku forsanan di hefe di ehérsito, Abdel Fatah al Burham kontra di e èks hefe athunto Mohamed Hamdam Daglo, ku ta na kabes di FAR (un grupo paramilitar).
E konflikto a laga desena di míles di morto, obligá 13 mion sudanes pa bandoná nan kasnan i a krea un dje pió krísisnan di hamber na mundu.
Kombatientenan paramilitar djadumingu a asaltá e pueblo di Umm Garfa, den e estado di Kordofan Nort, kaminda nan a sende kasnan na kandela, segun Emergency Lawyer, ku ta dokumentá e violashonnan di derechinan humano for di momento ku e guera a kuminsá.
