Un persona pasando riba su baiskel riba un brùg parsialmente destruí na Ukrania
MOSCOW, RUSIA, AFP.- Por lo ménos dies persona a muri djadumingu den atakenan na Rusia i Ukrania. Aktualmente tin un oumento signifikativo den e kantidat di víktimanan sivil den e guera.
E atakenan aki a sosodé un dia despues ku 20 persona a muri den ámbos pais. E atakenan a bira mas intenso, i e negosiashonnan pa pone fin na mas di kuater aña di guera ainda ta stanká.
Outoridatnan ukraniano a akusá Moscow di ataka un supermerkado na Chernihiv, serka di Belarus.
“Komo konsekuensia di e atake, dos persona a muri inkluyendo un mucha di dies aña”, segun indikashon di e alkalde Dmitro Brizhinski riba retnan sosial.
Presidente ukraniano, Volodymyr Zelenskyy a bisa ku 13 persona a resultá heridá. El a bisa ku ta trata di un atake ku drone kontra un supermerkado komun i koriente.
Vários atake mas a laga mortonan i heridonan. E negosiashonnan di Merka pa pone fin na e atakenan ta kompletamente stanká. Kremlin ta okupá vários zona na ost i sùit di Ukrania. Rusia a manifestá su intenshon di poderá di sobra parti di e pais.
