WILLEMSTAD.- E yegamentu lat di gruponan no opstante di tur klase di palabrashon ku FDKK i AGKK a pone ku e marcha a sali lat i despues ku tur e kontratempunan a kaba lat tambe.
Kòrsou su gruponan di Karnaval por muchu mas mihó, tin gruponan ku a pasa i lusi bunita, miéntras ku otronan a duna un impreshon desorganisá ku tur sekshon brua den otro loke a pone ku e gruponan no a lusi. E burakunan tambe a pèrkurá pa un tardansa ku a deslusí e marcha.
Un kos si, nos gruponan tabata kolorido, ku temanan ku a wòrdu bon presentá i yen di ambiente. Loke si nos mester tene kuenta kuné ta e situashon kaminda ku trahenan no a bin kla i e kantidat grandi di partisipantenan ku ta yega e punto di salida lat i bo ta mira tur na pia ta buska moda di kana i yega nan grupo. Pa e públiko sinta na Sta. Maria te sigur Samira no ta haña chèns pa mira e gruponan kompletu.
Nos por muchu mas mihó i ‘DEN E BEMBE’ ta spera ku awe gruponan saka kara!
Gosa dje selekshon di potrètnan.
