WASHINGTON (AFP).- Korte supremo di Merka a mantené temporalmente e akseso via pòst dje píldora di aborto Mifepristona, den un pais kaminda vários estado a prohibí e posibilidat pa hendenan muhé interumpí nan embaraso. E tribunal mas haltu a prolongá ku tres dia, te ku djaweps 14 di mei, e suspenshon di un órden di un tribunal inferior ku a para e distribushon via i pòst dje remedi i esaki pa henter Merka.
Un penal di Tribunal di Apelashon dia 1e di mei a ordená pa para e akseso via pòst di Mifepristona. E desishon ta di akuerdo ku un demanda presentá kontra di Atministrashon di Alimento i Remedi (FDA) pa e estado di Louisana, ku tin algun dje leinan anti-aborto mas estrikto dje pais.
Danco Laboraties i GenBioPro, ku ta fabriká Mifepristona, a solisitá na Korte Supremo pa suspendé e órden di tribunal di apelashon miéntras ku nan ta prepará pa presentá un demanda di emergensia na e tribunal mas haltu. E veredikto ariba menshoná ta obligá e hende muhé ku ke hasi abortá na kualke parti di Merka pa e optené e Mifepristona personalmente den klínikanan i ta prohibí su entrega via di pòst.
