E artista D4vd, kende su nòmber berdadero ta David Anthony Burke.
LOS ANGELES (AFP).- E kantante norteamerikano di R&B, D4vd, sospechoso di a mata un hóben kende su kurpa a keda hañá den estado di deskomposishon den un outo, tabatin pornografia infantil riba su telefòn, segun fiskal di Los Angeles.
E artista di 21 aña, kende su nòmber berdadero ta David Anthony Burke, por haña te hasta kastigu di morto pa asesinato di Celeste Rivas, di 14 aña.
Fiskalnan a akusá e artista di a mata i kòrta e kurpa di Rivas i warda su restunan den algun saku kualnan el a laga den baul di su mes outo.
D4vd a keda detené siman pasá despues di shete luna di investigashon. E kantante a deklará su mes no kulpabel i a komparesé ayera dilanti di un tribunal di Los Angeles, bistí ku unifòrm oraño di prezu. Durante dje oudiensia preliminar, e fiskal Beth Silverman a trese dilanti ku e listramentu den iPhone dje artista a revelá “un kantidat signifikativo di pornografia infantil”. E no a splika si e kontenido a referí na potrètnan òf video dje víktima.
Segun e akusashon, D4vd a mata e hóben pasobra esaki a menas’é ku revelá di nan relashonnan seksual, loke por a ruina su karera musikal.
