E situashon “nòrmal” di bida diario den e kapital haitiano, Port-Au-Prince. Ni e presensia di gruponan militar estranhero no ta logrando pa drecha e esfera di bida den e pais.
PORT-AU-PRINCE, Haiti (AFP).- Un grupo di manifestante a provoká un blackout den e region di Port-Au-Prince i e departamento di sentro, ku a prolongá for di djamars. Nan a hasi esei despues di a forsa pa sera un sentral di koriente pa protestá kontra di inseguridat, segun e empresa estatal di koriente dje pais.
E kapital haitiano ta kontrolá pa mas ku 85% pa poderoso gengnan kriminal armá ku ta realisá atake kontinuo kontra dje poblashon i polisnan.
E blackout ta den vários zona despues ku e planta a keda afekt’a pa supuesto aktonan di sabotahe.
E klousura dje sentro di Peligre ta debí na akshon di vários grupo di sosiedat sivil di Mirebalais i Saut d’Eau, dos munisipio di e departamento di Centro ku resien a keda invadí pa gèngnan, segun e abogado i aktivista Robenson Mazarin.
For di 31 di mart, Mirebalais ta kontrolá pa gèngnan kriminal agrupá den e koalishon “Viv Ansanm” (Biba Huntu), ku ademas a provoká huida for di prizòn di sigur 500 prezu.
Su presensia tambe a obligá e hospital universitario Mirebalais, un di esnan di mas grandi dje pais, pa evakuá pashèntnan i personal pa despues nunsio nan siere dia 23 di aprel último.
