LISBOA, AP.- Un avioneta mester a hasi un aterisahe di emergensia na un playa di Portugal djárason, matando un hòmber di 56 aña i un mucha muhé di 8 aña ku tabata sinta den solo riba e playa, segun informashon di outoridat.
Vários persona tabata disfrutando riba playa di Caprica, 30 kilometer na sùit di Lisboa i algun a hui den laman na momentu ku nan a mira e avioneta bahando.
E avion, un avioneta Cessna, tabatin dos persona na bordo i ta parse ku algun para a dal den esaki. E avion a keda tambaliá miéntras e tabata pasando riba e multitut, segun testigunan.
Outoridat Marítimo Nashonal a bisa ku e hòmber i mucha muhé a muri riba e playa.
E avioneta tabatin su ala robes kibra. E tabata mas dobla ku esun na man drechi segun imágennan na un kanal di televishon portugues. Outoridat a bisa ku e suseso a pasa dies pa sinku di atardi ora lokal.
E mucha ku a fayesé tabata ku su mayornan, kende a resultá ileso, segun testigunan a bisa na kanalnan di televishon lokal. E avioneta a plècha pia di e hòmber ku tabata den solo sinta riba su sèrbètè. Polis a sera e área despues di e insidente aki.
E dos okupantenan di e avioneta a wòrdu detené pa polis.
