LISBOA, AFP.- E pueblo portugues ta enfrentá por lo ménos dos siman di ‘lockdown’ despues ku e gobièrnu a disidí pa ekstendé e medidanan vigente segun e kantidat di morto kousa pa COVID-19 ta yegando 19.
E restrikshonnan a wòrdu imponé riba e populashon riba 19 di mart, pero esakinan no ta mesun ekstensivo ku manera esnan di Spaña, kaminda mas di 9.000 persona a muri dor di e vírus.
Lisboa a duna òrdu pa tur hende keda kas, a ménos ku nan mester traha òf hasi ehersisio den e área lokal, òf tambe pa hasi kompra i yuda un famia òf saka kachó pafó. Tienda i restorantnan a sera pero tur supermerkado a keda habri.
Promé Minister Antonio Costa a anunsiá e ekstenshon di e estado di emergensia, ku un límite di solamente dos siman. Parlamento mester aprobá esaki djaweps.
Polis a detené 84 persona dor ku nan tabata pafó sin un motibu bálido. Ademas, outoridat a sera 1.600 establesimentu ku a violá e reglanan di seguridat di kliente.
