LA PAZ, AP.- E gobièrnu interino di Bolivia a atvertí ku lo usa poder di veto kontra un inisiativa legislativo ku ta duna amnistia na eks presidente Evo Morales si Kongreso aprobá esaki. Morales a buska asilo na México i no ta na Bolivia aktualmente.
Kámara di Diputado, dominá pa “Movemiento al Socialismo (MAS), e partido di Morales, a aprobá ‘Lei di Garantia pa Ehersisio Pleno di Derechi Humano’. E lei lo pasa pa Senado, kual tambe tin mayoria “masista”.
E lei lo regulá kon ta resolvé i prosedé ku huisionan pa un delito kometé pa e presidente, visepresidente i otro outoridatnan. Aparte di esaki lo ofresé garantia na sindikatonan, kual mayoria biaha a wòrdu investigá pa ‘motivá’ manifestashonnan.
Morales a renunsiá riba 10 di novèmber, despues ku a akus’é ku froude elektoral durante elekshon di 20 òktober. E eks presidente tabata buskando un di kuater mandato.
E inisiativa posiblemente lo pasa pa Senado djabièrnè anochi.
E presidente interino Jeanine Añez a bisa ku e lo no pasa e lei si e kombertí den unu. “Mi desishon ta kla i firme, mi no ta bai pasa e lei aki, nos no por duna protekshon na esnan ku a persiguí, gaña i burla di e bolivianonan”, asina el a señalá. Vários sektor a anunsiá protesta kontra e proyekto.
