Posibel violashon di turista na Aruba

ORANJESTAD.- Pais bisiña Aruba a lanta den un situashon di preokupashon pa nan sektor turístiko na momentu ku a topa un dama turista riba un playa na Aruba ku su parti abou sunú. Tin informashon for di Aruba ku ta indiká ku lo por ta trata di un kaso di violashon.

Tabata mas o ménos 4’or di mardugá ku polisnan a haña informashon ku tin un dama turista sinta na un playa na altura di Hilton den un situashon delikado.  Mesora a pone tur e outoridatnan konserní na altura di e kaso aki. Polis huntu ku ambulans a atendé ku e víktima i a sòru pa e bai hospital mesora unda ku a kuminsá ku e investigashon nesesario. E dama tabata aktua basta straño loke a duna e pensamentu ku kisas e dama lo por ta bou di influensia di kualke supstansia, pero te ainda esei no a keda konfirmá pa médikonan.

Aruba a lanta den un situashon di preokupashon debí ku hinter e pais ta bon konsiente di e importansia di turismo pa nan ekonomia. Tin un miedu pániko pa tipo di informashon asina bai den mundu. Te ainda kada bia ku e nòmber Natalee Holoway, subi mesa e ta kousa hopi doló na Aruba. Holoway, e damita merikano ku a pèrdè na Aruba algun aña pasá a keda un kaso misterioso ku durante hopi aña a hasi hopi daño na turismo di Aruba.

SHARE

LEAVE A REPLY