MIAMI, AP.- Sentronan di Kòntròl pa Enfermedat di Merka ta trahando ku funshonarionan di salú na Florida pa investigá loke por ta e promé kaso di infekshon di Zika transmití pa sanguranan den e pais.
CDC ta indiká ku e análisis di e laboratorio a konfirmá ku un persona den e área di Miami ta infektá ku e vírus di Zika i ku por tin un konekshon ku niun hende di prosedente di eksterior.
E agensia a bisa ku ningun di e 1.300 infekshonnan reportá na Merka te ainda a wòrdu kousá pa sanguranan lokal.
Dieskuater a keda transmitié seksualmente i un pa eksposishon den un laboratorio.
E kondado Miami-Dade, tin e kantidat mas grandi infekshon konfirmá den e estado, ku 88, pero ainda tur ta vinkulá ku biahenan pa eksterior.
Inspektornan di kòntròl di sangura ta trahando den e kondado djárason. E bosero Gayle Love a bisa ku e inspektornan ta pasando di kas pa kas desde ku outoridatnan a alerta nan siman pasá, matando sangura i hasiendo awa stanká bashí.
Ekipo di prevenshon di Zika i repelente kontra sangura ta wòrdu distribuí den e área i wòrdu buská den departamento di salú.
