BASE PETROLERO AL-OMAR, AP.- E ofensivo kontra e último parti di e grupo Estado Islámiko na ost di Siria a topa ku un opstákulo inesperá: e presensia di sivilnan ku ainda ta bibando na e sitio. Asina e komandante di forsa kurdo ku ta partisipá den e kombatenan a bisa djabièrnè.
E forsanan respaldá pa Merka, yamá Forsa Demokrátiko Sirio, a lansa e ofensivo un siman pasá den pueblo Baghuz, despues ku 20.000 a wòrdu evakuá via un kaminda den provinsia di Deir-el-Zur.
E komandante di FDS, a kalkulá ku 1.000 sivil, entre nan muhé i muchanan ainda ta den e zona i ku e grupo rebelde ta usa nan komo eskudo humano.
“Esaki tabata un sorpresa total. Nos no a pensa ku tin asina tantu sivil ainda einan”, asina Afrin a deklará.
El a indiká ku nan por ta asta famia di kombatientenan di ISIS, pero ku apesar di e posibilidat aki e ofensivonan a wòrdu kongelá. “Nos no kier kousa un masakre den e último ofensivo ku a sobra nos”.
social signals seo service
xnxjzjnmy gebhv ekjjxdm ysgc khyotjibgoisjhj