Presentashon di ‘Genesis’ i músikonan

WILLEMSTAD.- Ayera tardi na ‘Skina Mando Davelaar’ a tuma lugá e presentashon dje agrupashon musikal nobo ‘Genesis’.
E direktiva di e banda ta konsistí di Dudley Lucia, Humphrey Davelaar, Edward Gerard, Sidney Stefania, Ike Jesurun i Lando Coffie.
E integrantenan di e banda ta: Kantantenan – Aaron Ramos, Quincy Cicilia, Edward Martinez, Monica Mao Cheia i Tom Zimmerman.
Pianista ta Lando Coffie, basista Francel Djaoen, Ike Jesurun – keyboard; Shurendy Seferina – keyboard; Ernie Gregorius – perkushon/timbal; Marcus Istatia – konga i Reno Martis riba bongo.
E banda lo move den e género di kòmbèk, pero ta un banda ku por brinda músika di tur género.
Debut dje banda lo ta dia 28 di sèptèmber den Klup di Shell huntu ku S.O.; Arnell i Risab.
Dia 29 di sèptèmber lo tin un homenahe na Win Coffie den Hòfi Pieters, pa e dia ei e kombinashon lo ta Genesis, S.O. i Forsa 2.
E banda tin vários piesa ku ta zonando na emisoranan lokal: ‘Ik mis je’ di Ike Jesurun; ‘M’a stima di nobo’ di Monica Mao Cheia i ‘Lei di Karma’ kanta pa Quincy Cicilia.
Keda pendiente pa e promé CD di Genesis ku promé ku fin di luna lo ta riba merkado ku 10 komposishon.

SHARE

LEAVE A REPLY