NEW YORK, AFP.- Tin preshon fuerte riba ofisialnan lokal i di estado pa duna restorantnan di New York pèrmit pa habri paden, pero gobernador Andrew Cuomo a bisa ku esaki por empeorá e krísis di Corona vírus.
E siudat a reportá ku e kasonan di COVID-19 a baha den e último simannan. E restorantnan a haña pèrmit pa sirbi su klientenan pafó. Anteriormente, New York tabata e episentro di e brote di e vírus den Merka.
Ofisialnan di New York a duna sentenáres di pèrmit pa restorantnan ekspandé nan espasio pafó. Tur kompania ku ta bende kuminsá a haña pèrmit pa operá pafó for di 22 di yüni.
Kasi dos terser di tur restorant ku ta operando den e estado a bisa ku nan lo mester sera pa fin di aña si gobièrnu no duna mas yudansa.
Cuomo a bisa ku kasi 10.000 restorant lo wòrdu afektá si permití pa habri paden, mirando ku nan mester redusí e kapasidat di klientenan ku por akohé.
