Presidente chines, Xi Jinping, a yega Egipto

Presidente chines, Xi Jinping (meimei), ta kana huntu ku presidente egipsio, Abdel Fattah a-l-Sisi, siguí pa nan respektivo kasá, na nan yegada ayera a Cairo International Airport.

CAIRO, Egipto (AFP).- Presidente di China, Xi Jinping, a yega Egipto djamars, na momentu ku e dos paisnan a keda menasá di sanshonnan norteamerikano pa nan relashonnan finansiero ku Iran. China, un kumpradó importante di petrolio iraní, a presentá komo un parti neutral den e konflikto di Medio Oriente i na vários okashon a pidi pa stòp ku e guera.
Egipto, ku pa vários dékada kaba ta konta ku yudansa militar norteamerikano, a atvertí riba un posibel oumento di violensia den e region despues di un atake ku ‘drone’ i ku a alkansá un di su hafnan den yüli.
China ta buska na reforsá su relashon ku paisnan di Medio Oriente ku ta yegá na Wasington promé ku un reunion etre Xi i e presidente norteamerikano, Donald rump, programá pa e luna’kí.
Ehérsitonan di China i Egipto den luna di ougùstùs huntu a realisá maniobranan di kombate aéreo i ku a konta ku partisipashon dje avion potente di guera chines J-16.
E reunion di Xi ku e presidente di egipto, Abdel Fatah al Si, ta planiá pa awe i ta tuma lugá despues di un bishita na China di parti di Rei Abdala II di Jordania. Ta antisipá ku Xi i Al Sisi lo trata kuestionnan manera e guera di Gaza, Iran i e transporte marítimo den Laman Kòrá i e kanal di Ormuz, segun prensa egipsio.
“Mi ta spera di renobá e amistat i traha huntu ku e presidente Sisi pa yega na un mapa nobo pa profundisá e asosiashon stratégiko integral entre China i Egipto”, segun Xi a skirbi den un artíkulo publiká ayera den prensa egipsio.
China ta un eksportador importante pa Egipto, ku un sifra komersial ku a alkansá 12.000 mion dòler den e promé shete lunanan di 2026, segun datonan di duana chines.
Ta antisipá ku e dirigentenan lo firma akuerdo riba inteligensia artifisial, transporte, energia i invershon den e Zona Ekonómiko di Kanal di Suez.