MOSCOW, RUSIA, AFP.- E presidente di Belarus, Alexander Lukashenko a konfirmá den un reunion ku Vladimir Putin djaluna ku e kier kambia Konstitushon. Esaki ta e úniko solushon ku Minsk a proponé pa sali di e krísis polítiko aktual.

“Lukashenko a konfirmá ku e kier trese kambio den konstitushon”, segun indikashon di e bosero di Kremlin, Dmitri Peskov, despues di un reunion entre e dos presidentenan. E reunion na Sochi a dura mas di kuater ora.

Peskov a konfirmá ku Moscow a bai di akuerdo pa invertí 1.500 mion dòler den Belarus, kual su difikultatnan ekonómiko a oumentá ku e krísis di COVID-19.

Lukashenko no a duna detayenan konkreto tokante e proyekto konstitushonal aki, pero a bisa ku lo validá e kambio den un referèndem.

Apesar di e protestanan desde komienso di ougùstùs den Belarus, ku manifestantenan eksihiendo renunsia di Lukashenko, ainda Lukashenko ta e presidente legal den e pais, asina Putin a bisa.

LAGA UN KOMENTARIO

Please enter your comment!
Please enter your name here