SANTIAGO DE CHILE, AP.- E presidente Sebastian Pinera, alarmando pa e oumento fuerte di denunsianan di abusu seksual, spesialmente di mucha, a anunsiá djarason un serie di medidanan i proyektonan pa “eradiká” tipo di krímennan asina.

“Ku duele i indignashon nos a mira kon den e último siman aki a surgi denunsianan grave di abusu seksual kometé pa adultonan ku tabatin e responsabilidat di kuida, forma i protehá nan. Na lugá di esei a atentá kontra e mas sagrado di nos muchanan”, asina e mandatario a informá.

Pinera a informá ku entre e 10 medidanan pa implementá lo tin e kreashon di un puesto di “defensor di muchanan”.

E mandatario a hasi e anuns io aki algun dia despues ku a revelá supuesto abusu kometé den kolegionan di sektornan elegante di e kapital i ku a provoká un impakto.

Algun saserdote tambe a wòrdu involukrá den e denunsianan.

Pinera a bisa ku na aña pasá a registrá 21.000 denunsia di abusu seksual. Un informe ofisial a bisa tambe ku den e promé semèster di e aña aki e denunsianan a oumentá ku 22,2% pa abusunan kometé na menor di 14 aña.

E presidente a anunsiá e kreashon di e Servisio Nashonal di Menornan, dependiente di e Ministerio di Hustisia, dediká na rehabilitashon di e muchanan i adolesentenan, e agilisashon di e registro di pedofil krea pa un lei resienteieinstalashondi armbantnan elektróniko.

Pinera a bisa ku gobièrnu i sosiedat mester lucha ku tur boluntat i forsa pa eradiká e abusu infantil den e pais.

LAGA UN KOMENTARIO

Please enter your comment!
Please enter your name here