Manifestantenan den un marcha kontra presidente Jose Antonio Kast
CHILE, AFP.- E presidente di Chile ultraderechista, Jose Antonio Kast, a anunsiá djaluna ku lo presentá un proyekto di lei pa reforsá kontròl migratorio i oumentá sanshonnan kontra delitonan di krímen organisá.
Kast, un abogado di 60 aña a yega na poder den mart. El a primintí ku e lo bini ku sanshonnan mas fuerte kontra kriminalidat i migrashon “iregular”. Pero e falta di anunsionan den su promé lunanan di gobernashon a baha su popularidat.
“Nos mester ataká krímen organisá i amplia sanshonnan asosiá ku delinkuensia rápidamente”, asina Kast a bisa den Kongreso na Valparaiso, 120 kilometer leu di Santiago.
Den un diskurso na televishon, Kast a bisa ku su prioridat ta pa “fortalesé seguridat, kresementu ekonómiko i krea míles di trabou”.
Aunke Chile ta un di e paisnan di mas ‘safe’ den e region, den e último dékada a registrá un oumento di asesinatonan i sekuestronan, segun indikashon di e gobièrnu aktual.
Manifestantenan ta klèsh ku polis durante un protesta kontra presidente Kast
