…E presidente colombiano Gustavo Petro (r) huntu ku su kolaborador di konfiansa Armando Benedetti, durante di reunion ayera…
BOGOTA, Colombia (AFP).- Presidente di Colombia, Gustavo Petro, ayera nochi a anunsiá ku e ta pidi su ministernan i otro funshonarionan haltu pa pone nan funshon na disposishon, meimei di un divishon profundo di su gabinete despues di un reunion tenso enter e mandatario i su ministernan.
“M’a solisitá e renunsia protokolar dje ministernan i direktornan di departamentonan atministrativo. Lo tin algun kambio den e gabinete pa logra un mayor kumplimentu den e programa ordená pa e pueblo”, segun Petro a skirbi ayera riba su kuenta di X.
