CIUDAD DE GUATEMALA (AFP).- Presidente di Guatemala, Bernardo Arévalo, ayera a kana for di sede di gobièrnu te edifisio di Kongreso pa entregá personalmente un proyekto di reforma legal pa destituí e fiskal general dje pais, Consuelo Porras. E  mandatario riba e trayekto di sinku blòk a keda kompañá pa e visepresidente Karin Herrera i desena di siguidó ku tabata kanta “Biba Arévalo”, “Biba e presidente” i “Kore ku Consuelo”.

E fiskal Porras, riba ken tin sanshon di Merka i Union Europeo konsiderando su persona komo “korupto”, den luna di yanüari último a start akshonnan hudisial kontra dje elekshon di Arévalo i su partido Semilla.

“E fiskal general a ignorá kasonan grave di korupshon i narkotráfiko i a focus pa ataká demokrasia i e boluntat di pueblo ekspresá den elekshon. “E siklo dudoso di Consuelo Porras mester kaba”, segun e mandatario a bisa den konferensia di prensa den e Kongreso.

Den su mensahe na e pais djadumingu anochi, e promé for di despues ku el a logra sinta komo presidente den yanüari, Arévalo a bisa di ta buska pa “start e proseso pa e fiskal general duna kuenta i pa kit’é for dje funshon”.

E presidente mes no tin e outoridat pa kita Porras, kende ta dirigí ministerio públiko dje pais for di 2018 i tin mandato te ku 2026.

 

LAGA UN KOMENTARIO

Please enter your comment!
Please enter your name here