ROMA, ITALIA, AFP.- E krísis di e coronavirus na Italia no a terminá, segun indikashon di e presidente italiano, Sergio Mattarella durante un fiesta nashonal. E mandatario a elogiá “unidat” di su pais kontra e pandemia.
E presidente a bisa ku e ta orguyoso di su pais i a destaká unidat moral di e italianonan kontra e vírus.
Mattarella lo partisipá den un homenahe na memoria di víktimanan di covid-19 den region di Lombardia na Codogno, e promé siudat di Italia kaminda e vírus a paresé den febrüari.
