BOGOTA, AP.- E presidente di Perú ta apstené su mes na deklará estado di emergensia nashonal despues di e desaster ku áwaseru a okashoná, lagando 75 morto. E ta bisa ku hasiendo esei e ta generá pániko i ta sufisiente ku alerta den e zonanan ku ta asotá manera e kapital Lima ta sufisiente.
“E no ta ahustá na e realidat ku e pais ta pasando aden. Tin lugánan ku no ta den e situashon ei”, asina Pedro Pablo Kucsynski a bisa den un entrevista publiká ayera pa e korant El Comercio.
E mandatario a bisa ku mas bien e ke nombra un funshonario ku poder spesial pa enfrentá kalamidat. Lo trata di un persona di e sektor públiko pa e tuma enkargo espesial di e dañonan kousa pa e fenómeno klimatólogo El Niño Costero ku a laga desbordá di riunan, avalancha di lodo i inundashonnan.
Kucsynski ku e parti di konstrukshon lo haña tur poder. E gobièrnu a saka forsanan armá di nan kazèrne pa yuda polis pa mantené e òrdu públiko den e 811 siudatnan ku ta den situashon di emergensia. Ademas e forsanan uniformá a trasladá yudansa pa medio di barku i helikòpter na siudatnan ku a keda sin komunikashon. Funshonarionan públiko a atvertí ku e áwaseru lo oumentá den próksimo dianan. Tin por lo ménos 75 persona ku a muri i kasi 100 mil ku a keda damnifiká for di kuminsamentu di aña ku e áwaseru a kuminsá, esaki segun e sifranan resien di e sentro di emergensia nashonal.
