HAVANA, AP.- E presidente haitiano, Jovenel Moise kier usa su poder nobo pa goberná bou di un òrdu ehekutivo pa reforma e Konstitushon i fasilitá gobernashon den e pais.
Den un komunikado publiká djabièrnè, Moise a indiká ku e ta negoshando ku lidernan di oposishon pa krea loke el a yama “un gobièrnu di koheshon” kual lo proponé reformanan konstitushonal ku mester wòrdu aprobá den un referèndem nashonal e aña aki.
E reforma ta pa fortalesé e presidensia i poder ehekutivo di Haiti. E komunikado no a indiká kon esaki lo sosodé.
Mayoria analista ta konsiderá ku e Konstitushon haitiano di 1987 ta dividí e poder ehekutivo i legislativo kousando instabilidat polítiko den e pais.
Por ehèmpel aña pasa, e pais no a logra realisá elekshonnan parlamentario dor ku Parlamento no a aprobá e presupuesto nesesario pa votamentu. Komo resultado, e parlamento a wòrdu disolvé i Moise a kuminsá goberná bou di un òrdu ehekutivo.
