LA PAZ, BOLIVIA, AFP.- E presidente interino di Bolivia, Jeanine Añez a bisa djaweps ku el a tèst positivo pa Corona vírus.
“Mi a tèst positivo pa COVID-19”, segun el a bisa i a tweet ku e ta sintié bon i lo traha den isolashon. E mandatario a publiká un video riba Twitter bisando ku e lo keda den karentena durante 14 da promé ku e bolbe hasi un tèst.
Añez ta e di dos presidente suramerikano ku ta haña e vírus despues ku Brasil su presidente Jair Bolsonaro a anunsiá su tèst positivo djárason. Kuater miembro di Añez su gabinete a tèst positivo resientemente.
Bolivia, kual tin 11 mion habitante a reportá kasi 43.000 kaso di Corona vírus i mas di 1.500 morto.
