Presidente hondureño Xiomara Castro ta hasi entrega dje martin di presidensia di “Comunidad de Estados Latinoamericanos y Caribeños” (CELAC) na presidente kolombiano Gustavo Petro.
BOGOTA, Colombia (AFP).- “Whisky ta mata mas ku kokaina”, esei segun e presidente di Kolombia, Gustavo Petro, na mando dje pais mayor produktor di kokaina i ku kada aña ta kibra rèkertnan históriko di trafikashon di droga.
“Esnan ku ta duna nos instrukshon pa sera hende pa motibu di kokaina ta hendenan fuma di whiskey”, segun e mandatario iskierdista a bisa ayera dilanti di lidernan di Amérika Latina den e kumbre “Comunidad de Estados Latinoamericanos y Caribeños” (CELAC) na Tegucigalpa.
No ta e promé biaha ku e presidente ta mustra riba e peliger di alkohòl i ta minimisá e efektonan di kokaina.
E violensia dje kartelnan di narkotráfiko, ku ta kompetí entre nan pa e kontròl di teritorionan i rutanan di tráfiko direkshon pa nort, tin Amérika Latina sangrando.
Petro ta konsiderá komo frakaso e seis dékadanan di guera anti droga ku e apoyo mionario di Merka. E ta kere den un kambio di enfoke i no ta deskartá e legalisashon.
Dilanti di ministernan den un reunion resien di gabinete transmití na televishon pa miónes di persona i den diskurso dilanti di simpatisadónan, el a sigurá ku whiskey “ta mata mas tantu hende” ku kokaina, i a bisa ku esaki “no ta mas malu ku alkohòl”.
E opinion dje mandatario ta motibu di hasimentu di chèrchi i debatenan. Kada aña Colombia ta superá su mes rèkert di produkshon di kokaina i bou e gobièrnu di Petro gruponan narko a krese.
E kansier Laura Sarabia den luna di mart último a hasi un yamada na Nashonnan Uní pa retirá e blachi di koka, e prinsipal komponente di kokaina, for dje lista di sustansianan peligroso.
Den sèptèmber benidero, Merka lo por keda sin renobá e sertifikashon di Colombia komo pais aliado den e lucha kontra di narko.
Miembronan dje sírkulo yegá na Petro a yega di bisa ku e ta usa tantu alkohòl komo droga.
E presidente den 2022 a pidi despensa pa no a bai un evento di kampaña pa motibu ku e tabata fuma.
“Mi ta puntra mi mes ku hopi preokupashon riba efektonan dañino di droga i alkohòl, tratando sigur di e persona ku ta liderá e pais i di algun di su kolaboradornan” ,segun e eks-kansiyer Alvaro Leyva e luna’ki riba X, sin menshoná e presidente. Petro a kontestá ku su úniko “adikshon” ta kòfi.
