LIMA, Perú (AFP).- Kongreso peruano a deklará e presidente di México, Claudia Sheinbaum, komo “persona non grata” pa su “metementu inaseptabel den asuntunan interno” dje pais na momento ku el a duna asilo polítiko na e eks-hefe di gabinete Betssy Chavez.
E moshon presentá pa e partidonan di derechi a haña 63 voto na fabor i 33 kontra, ademas di dos apstenshon.
E kongreso ta sostené ku e mandatario mehikano a mustra un kondukta hostil kontra di Perú desde ku el a asumí funshon. Djaluna último Perú a kibra relashonnan diplomátiko ku México despues ku a duna asilo na Chavez, prosesá pa gòlpi di estado dje eks-presidente Pedro Castillo i ku a frakasá den desèmber di 2022.
