MEXICO CITY, MEXICO, AFP.- Presidente mehikano Andres Manuel Lopez Obrador a hasi un apelashon na presidente merikano Joe Biden pa e kita tur sanshon kontra Cuba, atvirtiendo ku e medidanan ta fomentando intrankilidat.
Lopez Obrador a hasi e petishon huntu e presidente kubano, Miguel Diaz-Canel, kende tabata un invitado di honor na parada di Dia di Independensia den México City.
“Ban spera ku presidente Biden ta pone fin na e sanshonnan kontra Cuba pa semper”, asina Lopez Obrador a bisa.
E lider iskierdista a pidi Washington pa kita e embargo kontra Cuba bisando ku “un estado no tin derechi di dominá pueblo di un otro pais”.
Diaz-Canel a bisa ku e isla ta enfrentando un “kampaña agresivo di odio, mal informashon, manipulashon i mentira” riba medionan sosial, aparte di e sanshonnan di Merka i e pandemia di COVID-19.
Esaki ta e promé biahe di Diaz-Canel den eksterior, despues di e protestanan den yüli. Outoridat a detené sentenáres di manifestante durante e protesta.