SANTO DOMINGO, REPUBLICA DOMINICANA, AFP.- Presidente di Colombia, Gustavo Petro, a atmití ku su pais tambe ta responsabel pa e asesinato di presidente di Haiti, Jovenel Moise, na man di mersenarionan kolombiano i anunsiá ku e lo biaha pa Haiti pa yuda e pais haña un salida di e krísis reinante.
E mandatario iskierdista a bisa for di República Dominicana ku Colombia tambe ta responsabel, dor ku den pasado Haiti “a yuda nos bira un pais” i segundo dor ku ta mersenarionan kolombiano a mata e presidente di Haiti, empeorando e krísis ku e pais ta bibando aden.
