ASUNCION, PARAGUAY, AFP.- E presidentenan di Paraguay i Brasil, Mario Abdo Benitez i Jair Bolsonaro lo topa djamars na frontera pa verifiká avanse di e konstrukshon di un brùg internashonal riba riu Parana.

Ta trata di e terser enkuentro entre ámbos gobernante den e zona na frontera for di 2019, segun indikashon di e wèpsait di Presidensia di Paraguay e fin di siman ku a pasa aki.

Ta trata di un invershon di 84 mion dòler finansiá pa e empresa Itaipu kaminda ámbos pais ta kompartí 16 kilometer di teritorio riba Parana. E brùg lo ta 760 meter largu segun e wèpsait di Gobièrnu.

E brùg ta 40% kla i e motibu pa su konstrukshon ta pa baha tráfiko riba Puente de la Amistad.

LAGA UN KOMENTARIO

Please enter your comment!
Please enter your name here