LA ROMANA.- Un hòmber ku tabata detené den prison preventivo di fiskalia di La Romana, a muri ayera tardi. Kousa di su morto no ta konosí ainda, asina polis a reportá.

Elpidio Familia, di 50 aña, tabatin mas o ménos 7 dia detené pa robo.

Despues di e morto repentino di Elpidio Familia, a hiba su kurpa hospital Francisco Gonzalvo pa un evaluashon preliminar.

José Polanco, prokurador fiskal di La Romana, a bisa ku lo spera e resultadonan di outopsia pa determiná kua ta kousa di su morto.

Outoridatnan ta suponé ku el a muri di un atake di kurason, ounke a rekomendá un outopsia riba e kadaver, ku a wòrdu mandá Instituto nashonal di Siensianan Forense (Inacif), na San Pedro de Macorís.

LAGA UN KOMENTARIO

Please enter your comment!
Please enter your name here