Krioyonan den MLB
Jurickson Profar (Oakland A’s) a bai di 4-1 ayera ku 2 kareda empuhá i otro anotá. El a konektá su di 14 honron di temporada i di 3 den último 2 weganan i tabatin bunita hungada defensivo tambe na segunda
Xander Bogaerts (Boston Red Sox) a bai di 4-2 i ta sigui den su racha di no solamente hit konektá pero tambe mas ku un hit den un wega. Ku e hitnan di ayera awor Bogaerts tin 10 wega sigui ku a konektá por lo ménos un hit. Defensivamente tabatin un bunita hungada den deep short pa saka e koredor out na segunda
Ozhaino Albies (Atlanta Braves) a bai di 4-1 ku 1 kareda empuhá i otro anotá. El a konektá su di 4 tripel di temporada
Andrelton Simmons (Los Angeles Angels) a bai di 4-1 ayera i a kompletá un ‘double play’ digno di un ganador di wante di oro
Didi Gregorius (New York Yankees) a bai di 4-1 ayera ku 1 kareda anotá den promé wega i di 4-2 ku 2 kareda empuhá i 1 kareda anotá den e di dos wega di ayera
Jonathan Schoop (Minnesota Twins) no mira akshon ayera i ta rekuperando di un leshon ku el a sinti na su repchi den wega di djamars último
Kenley Jansen (Los Angeles Dodgers) no a mira akshon ayera
Na Hapon
Coco Balentien (Yakult Swallows) no tabatin wega ayera
Lupa riba Liga Menor
Kevin Jospehina i Shean Michel (Florida Fire Frogs, afiliashon Klase A di Atlanta Braves) Josephina a bai di 4-0 ayera ku 1 kareda empuhá i Michel a bai di 5-2 ku 1 kareda anotá. El a konektá su di 5 doblete di temporada
Juremi Profar, 1b (Nashville Sounds, afiliashon Tripel A di Texas Rangers) a bai di 3-0 ayera ku 1 base por bola risibí
Ademar Rifaela, OF (Norfolk Tides, afiliashon Tripel A di Baltimore Orioles) no a mira akshon ayera
Hendrik Clementina, C (Daytona Tortugas, afiliashon Klase A Avansa di Cincinnati Reds) no a mira akshon ayera
Sherten Apostel, 3b (Down East Wood Ducks, afiliashon Klase A Avansa di Texas Rangers) a bai di 5-0 ayera
Calten Daal, 2b (Chattanooga Lookouts, afiliashon Dòbel A di Cincinnati Reds) a bai di 4-0 ayera
Shervyen Newton (Columbia Fireflies afiliashon Klase A di New York Mets) a bai di 4-1 ayera
Kirvin Moesquit, OF (Frederick Keys, afiliashon Klase A Avansa di Baltimore Orioles) a bai di 2-1 ku 1 kareda anota. El a risibi 1 base por bola. Moesquit a konekta su di 3 tripel di temporada
Stephan Vidal, C (Idaho Falls Chukars, afiliashon Rookie di Kansas City Royals) no tabatin wega ayera
Edmond Americaan, OF (Eugene Emerlands, afiliashon Klase A di Chicago Cubs) a bai di 4-0 ayera
Jonathan Willems, 2b (Billings Mustangs, afiliashon Rookie di Cincinnati Reds) no tabatin wega ayera
Dashenko Ricardo, C (Durham Bulls, afiliashon Tripel A di Tampa Bay Devil Rays) no a mira akshon ayera
Junior Martina, Inf (GCL Nationals, afiliashon Rookie di Washington Nationals) no tabatin wega ayera
Aldrich de Jong, Of (AZL Dodgers Lasorda, afiliashon Rookie di Los Angeles Dodgers) a bai di 4-1 ayera ku 1 kareda anotá
Gianfranco Wawoe, 2b (Southern Illinois Miners, Liga Independiente) no tabatin wega ayera
Shairon Martis, Curt Smith i Randolph Oduber (Lincoln Saltdogs, Liga Independiente) Smith a bai di 1-1 ku su di 10 honron di temporada. El a risibí 2 base por bola tambe. Oduber a bai di 4-0 ayera. Martis a habri wega i a bai 5 ining permití 10 kareda di kual 9 limpi riba 11 hit i asina resultá e picher pèrdèdó
Play of the Day
