WILLEMSTAD.- Ayera e promé detenshon a kai den kaso di e hende muhé (76) ku a haña morto tras di un kònteiner na Sabana Hundu. E kaso aki a tuma lugá da 7 di yanüari di e aña aki. Un persona ku a sinti holó stinki patras di un kònteiner, a bai wak ta kiko, i a topa e kurpa di un hende muhé B.M. Marti SOSA, di 76 aña di edat di nashonalidat Dominikana . E kurpa tabata lora den un laken benta tras dje kònteiner. E hende muhé tabatin bolita den stoma.
Awe djaweps 3 di yüli 2025, polis a detené e hòmber R.D.E. di 52 aña di edat nasé na Kòrsou, relashoná ku e kaso ariba menshoná. Su detenshon a tuma lugá den Kaya Janten.
Despues di e detenshon a hasi un búskeda den e kas, i a haña i konfiská diferente artíkulo ku ta di importansia pa e investigashon. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
 haña morto ku bolita){kind=link}