WILLEMSTAD.- Ayera nos promé finalista di Miss Kòrsou 2017, Liane Bonofacia a biaha pa Ecuador kaminda lo e representá Kòrsou den e sertámen: ‘Miss United Continents 2017’.
Esaki ta e promé biaha ku Kòrsou ta keda representá den e sertámen aki ku ta konta ku partisipashon di 40 pais.
E karakterístikanan ku nan ta buska den e sertámen aki ta un dama bunita, simpátiko i inteligente. Liane ta poseé tur esakinan ku sigur ta pone ku e lo ta un representante ku lo laga un bon impreshon.
E sertámen aki ta kargá ku diferente aktividat pa tur e kandidatanan i nan lo tin un skedjel hopi okupá.
Durante di e sertámen e kandidata lo bai tin tres presentashon ku ta trahe nashonal, trahe di baño i trahe di gala kaminda lo hasi e kandidatanan un pregunta. Liane durante su presentashon lo lusi un trahe Nashonal di Nashaira Balentien Miss Kòrsou 2017, ku a keda na di dos lugá durante e kompetensia di trahe nashonal durante Miss Kòrsou 2016.
Su trahe di gala i gran parti di su garderobe ta di e konosido diseñadó Mac Duggal.
VBK & Triple 7 manera semper ta patrosinador di vestuarionan, sapatu i asesorio pa tur evento i ku mester kaba di duna e tok’e final na Kòrsou su partisipashon.
Un danki speshal na Oxygen GYM na Sambil, Multipost, Otro Kara, Fotógrafo Harry Davelaar, Anoutchka Koolman-Burleson i Sue Ann Hudson.
Coridja Stars Productios ke deseá Liane tur klase di éksito i ke pidi pueblo di Kòrsou kompleto pa ban duna sosten na nos representante mandando nos bon vibrashon i energia di positivismo. Subi página di Facebook di Coridja Stars Productions pa por keda informá di nos representante den Miss United Continents 2017 na Ecuador.
