Update: Dhenico promé víktima di asesinato di 2019

Latest Update

Futbolista asesiná den Saliña

WILLEMSTAD.- Awe djasabra 5 di yanüari 2019 alrededor di 05.48’or di mainta, Sentral di Polis a risibí informashon di un kaso di tiramentu ku a tuma lugá na kuminsamentu di Caracasbaaiweg en frente di un agensia di outo. Na yegada di e promé unidat, nan a bin topa un hòmber drumi abou ku un kantidat di herida di bala na e parti ariba di su kurpa. Riba kaya i den bisindario di e víktima, tabatin un gran kantidat di kashi di bala. A pidi presensia di personal di ambulans ku urgensia na e sitio, pero na nan yegada no por a hasi nada mas pa e víktima. Dòkter di polis ku a presentá na e sitio, a konstatá morto di e hòmber Dhenico Johannes Pauletta, nase na Kòrsou dia 13 di ougùstùs 1985. For di investigashon preliminar a sali na kla ku e víktima tabata huntu ku mas konosí na e sitio i direpente un outo a pasa i un òf mas okupante di e outo aki a los diferente tiru dirigí riba e víktima, ku e konsekuensia fatal. Riba òrdu di fiskal di Ministerio Públiko a konfiská e kurpa sin bida pa hasi outopsia. Investigashon den e kaso aki ta kontinuá. Informashon ku EXTRA ta dispone di dje ta indiká ku e víktima ta un futbolista di e ekipo Centro Dominguitu. Forsa na famia di e defuntu i pas na su alma pe sosegá na pas.

 

Breaking News:

 

WILLEMSTAD – Awe mainta tempran outoridatnan polisial mester a akudí den Saliña pa ta mas eksakto riba Caracasbaaiweg dilanti Istanbul Shwarma pa un kaso di asesinato. Esaki ta e promé kaso di asesinato di 2019. Vershon no ofisial ta indiká ku ta trata aki di un deportista. Mas lat ora e deklarashon ofisial di polis drenta lo trese esaki pa Extra online i djaluna den Extra lo tin mas detaye.

 

SHARE

LEAVE A REPLY