KAMPALA, UGANDA, AP.- Un mucha di Uganda a duna positivo na un tèst di ébola. Esaki ta e promé kaso for di Congo for di komienso di e brote aña pasá, segun e ministerio di Salú ugandes.
E menor di 5 aña i su famia a wòrdu aislá den e hospital den distrito wèst serka di frotnerd aid Congo, segun indikashon di e minister di Salú di Uganda, Jane Aceng.
E anunsio ta pone mas preshon riba Organisashon Mundial di Salú, pa deklará e brote komo un emergensia mundial di salú. E brote a sosodé meimei di atakenan rebelde i resistensia di e komunidat den e region kaminda nunka no tabatin ébola.
Un komishon di eksperto di OMS disidí ku maske e brote ta un “gran preokupashon”, ainda e no ta un emergensia di salú mundial.
No ta evidente na ki momentu a mucha a drenta Uganda. Un komunikado di OMS a bisa ku el a drenta ku su famia djadumingu despues di a krusa frontera di Bwera. El a pidi asistensia médiko na Kagando i a wòrdu transferí pa e unidat di tratamentu di ébola di Bwera, segun OMS.
E konfirmashon di e kaso a wòrdu hasi pa Instituto di Vírus di Uganda.
E ministerio di Salú di Congo a publiká un komunikado diferente, indikando ku e mucha di Mabalako, a yega despues di a krusa frontera di Kasindi, na Congo.
