WILLEMSTAD.- Ayera promé minister Gilmar Pisas tabatin un reunion masha interesante ku direktora di Refineria Isla/PDVSA.
Riba su página di facebook, promé minister a indiká:” Awe tabata di bishita serka Promé Minister Gilmar Pisas sra. Vanessa Flores, direktora, i sr. Lucas Beaujon, Gerente di Rekurso Humano, di Refineria Isla Curaçao B.V.
Durante di e bishitá aki e representantenan di Refineria Isla Curaçao B.V. a duna splikashon di e status di e kompania i su aktividatnan pendiente”.
E reunion aki sigur ta lanta hopi pregunta, debí ku awor aki CORC ta trahando pa haña pèrmitnan nesesario pa por kuminsá funshoná. E aña aki gobièrnu anterior a logra di firma akuerdo pa CORC sigui kana e kamindanan pa por pone refineria bek den operashon.
