Promé Minister danes Mette Frederiksen (r) huntu ku Promé Minister hulandes Dick Schoof na momento di atendé un konferensia riba migrashon.
KOPENHAGEN, Dinamarka.- E promé minister danes, Mette Frederiksen, ayera a ekspresá su mes bon kla riba soberania di Groenland i a atvertí Merka ku “no por aneksá un pais mas”.
Durante di un bishita na e teritorio outónomo danes den ártiko, kudishá pa Washington, Frederiksen a asentuá ku Dinamarka lo no entregá, dirigiendo su mes na atministrashon di Donald Trump.
“No por kue un pais mas”, segun e dirigente danes a deklará na ingles, segurando ku tur e menasanan no por keda basá riba un argumento di seguridat, ku ta un punto usá pa e presidente norteamerikano pa hustifiká su aspirashon.
“Den materia di seguridat, tin hopi kos ku bosnan no por hasi. ”Groenland ta forma parti di OTAN, i ya pa 75 aña nos tin un akuerdo di defensa ku bosnan. “Si nan ta deseá di tin mas presensia den Groenland, Groenland i Dinamarka ta prepará p’esei”, segun e mandatario.
E preshon norteamerikano a intensifiká na final di mart ,ora kue vise presidente JD Vance a bishita e úniko base militar dje potensia norteamerikano na e teritorio ártiko. Durante dje biahe ei, Vance a bisa ku Dinamarka “no a hasi un bon trabou pa garantisá seguridat di Groenland”.
Frederiksen a pone bon kla ku su pais ta reforsando su presensia riba e isla ku barkunan polar nobo, drone di alkanse largu i mayor kapasidat di satélitenan.
