KOPENHAGEN (AFP).- Promé minister danes ayera a duna di konosé ku un akuerdo ku nan lo firma ku Merka riba seguridat di Groenland ta “bon pa NATO i pa Europa”. Ta “un akuerdo ku ta reforsá nos seguridat komun den Noordpool i, komo tal, e ta bon pa NATO tambe i pa Europa”, di akuerdo ku e promé minister, Mette Frederiksen.
“Ta algu alentador ku nos ta serka di konkluí un akuerdo ku ta garantisá i reforsá e seguridat di Groenland, den Reino di Dinamarka, ku Merka i e aliansa oksidental”, segun palabranan di e hefe di gobièrnu di Groenland, Jens-Frederik Nielsen.
