Promé Minister di Hulanda, Rob Jetten i presidente ukraniano Volodymyr Zelenski durante di un seremonia pa pone krans na un ‘memorial wall’ pa konmemorá sòldánan ukraniano ku a pèrdè nan bida den e guera ku Rusia.
KIEV, Ukrania (AFP).- E promé minister di Hulanda, Rob Jetten, ayera a yega Kiev pa un bishita ofisial. E mandatario ukraniano, Volodimir Zelenski, algun ora promé a informá ku e ta bai reuní ku su sosionan oropeo pa trata e sistema di defensa anti aéreo i e sanshonnan kontra di Rusia.
No mas ku djasabra anochi un atake nokturno ku Ukrania a lansa ku ‘drones’ a alkansá un edifisio den e zona okupá di Zaporiyia, den zùit di Ukrania, i a kousa un morto i desena di herido, segun outoridatnan di Mòsku. Kiev, di su parti, a akusá e forsanan ruso di a bombardiá den oranan di mardugá un pueblo serka di Jarkov, kaminda tabatin tres herido.
