ATENAS, GRESIA, AFP.- E promé minister di Gresia, Kyriakos Mitsotakis, a pidi pordon na famianan di e 57 personanan ku a fayesé den e tragedia di trein di mas pió den e pais, kaminda tabatin manifestashonnan nobo djadumingu.

Na Larisa, e siudat di mas serka di e sitio di e aksidente, e hefe di e stashon ku ta wòrdu akusá ku un eror fatal, a paresé dilanti di hues i a keda akusá pa su responsabilidat den e “morto di un gran kantidat di persona”.

Pa e krímen aki e por haña dies aña den prizòn i bida largu, segun e Kódigo Penal Griego.

E hòmber di 59 aña, kende su identidat, Vassilis Samaras, a keda revelá pa e ministerio di Transporte, a rekonosé su responsabilidat den e dalmentu frontal. Despues di e akusashon el a keda detené.

E dalmentu entre un trein di pasahero i un otro di merkansia djamars anochi na Atenas i Tesalonica a kosa 57 morto i a provoká un ola di protesta den e pais.

 

 

LAGA UN KOMENTARIO

Please enter your comment!
Please enter your name here