BUDAPEST, HUNGRIA, AFP.- Promé minister di Hungria, Viktor Orban, ke pa kita sanshonnan di EU riba Rusia pa motibu di e invashon na Ukrania, pa fin di aña.
Orban a kritiká e sanshonnan bisando ku nan ta afektando Europa mas ku Rusia. Orban a urgi miembronan di su partido Fidesz pa hasi tur kos posibel pa kita e sanshonnan.
Aktualmente Bruselas ta konsiderando pa imponé mas sanshon kontra Rusia. E ministernan di Eksterior di UE a reuní djárason riba e tema, despues ku Moscow a mobilisá reservistanan pa su guera na Ukrania.
Hungria su inflashon ta hopi haltu aktualmente, ademas, e pais ta dependé di gas i petroli di Rusia, i e pais ta teme pa suministro di esakinan. Gobièrnu a kumpra un kantidat grandi adishonal di gas di Rusia desde komienso di e guera den febrüari.
