BAGHDAD, AP.- Promé minister irakí a anunsiá djabièrnè ku e lo presentá su renunsia na Parlamento, un dia despues ku forsanan di seguridat a mata mas di 40 persona. E klérigo shiita prinsipal a pidi legisladornan pa stòp di sosten’é.

Manifestantenan ku a protestá kontra gobièrnu kampando riba Plaza Tahrir a selebrá despues ku Adel Abdul-Mahdi a hasi su anunsio, i kende a okupá e puesto 13 luna pasa.

Durante su seremonia semanal desde siudat santu Najaf, e gran ayatola Ali al-Sistani kende a pidi renunsia di e premier a bisa ku e Parlamento ku a skohe e gobièrnu di Abdul-Mahdi mester “rekonsiderá su opshonnan”.

No ta evidente si e renunsia di Abdul-Mahdi lo kalma e manifestantenan, kende a pidi retiro di tur klase polítiko ku ta gobernando Irak desde kaida di Saddam Hussein na aña 2003.

Kasi 400 persona a muri den e represhon kruel di protesta desde 1e di òktober e aña aki. Mayoria di e víktimanan tabata hóben ku forsanan di seguridat a tira mata den e kapital, Baghdad, i den siudatnan Najaf i Nasiriya, na sùit di e pais djaweps. E radikalisashon di violensia a kontinuá te ku ayera.

 

LAGA UN KOMENTARIO

Please enter your comment!
Please enter your name here