NASHONNAN UNI, MERKA, AFP.- E komunidat internashonal mester usa “forsa militar” si Iran usa arma nuklear, asina e promé minister israelí, Yair Lapid, a bisa na Nashonnan Uní, reiterando su sosten na kreashon na un Estado palestino “pasífiko”.
Den e último lunanan ku a pasa, Israel a ehekutá un atake diplomátiko pa purba konvensé Merka i potensianan europeo, prinsipalmente Inglatera, Fransia i Alemania pa no renobá e akuerdo nuklear di aña 2015 ku Iran.
Den e último dies dianan ku a pasa, vários funshonario a sugirí pa renobá e akuerdo te den novèmber, un fecha límite ku Lapid a usa pa pone preshon riba Oksidente pa e paisnan tuma un posishon mas fuerte den e negosiashonnan.
Segun Lapid “e úniko forma pa evitá ku Iran ta krea mas arma nuklear” ta si krea un menasa militar kreibel kontra esaki. Solamente asina por negoshá un “akuerdo mas largu i fuerte ku e pais”.
Lapid a bisa ku e lidernan di Tehran ta dirigiendo un “orkesta di odio” kontra e hudiunan i a añadí ku e ideólogonan di Iran ta “odia i mata musulmannan ku ta pensa diferente, manera Salman Rushdie i Mahsa Amini”, un hóben ku a muri durante detenshon di polis moral di Iran kousando protestanan den e Repúblika Islámiko kompleto.
