WILLEMSTAD – Prime Minister Jetten lo bishita Sint Maarten, Saba, Sint Eustatius, Bonaire, Aruba i Kòrsou di 8 pa 14 di mei 2026. Esaki ta marka Jetten su promé bishita na e parti Karibense di Reino den su kalidat komo Promé Minister. E bishita ta tuma lugá nèt na inisio di e periodo di gabinete, esaki komo prueba di e importansia ku gabinete ta duna na bon i fuerte kooperashon dentro di Reino.
Durante e bishita Promé Minister lo hiba kombersashonnan ku tur e Promé Ministernan, Gobernantenan i Miembronan di Parlamento di Aruba, Curaçao i Sint Maarten, komo tambe e Gezaghebbernan i Konsehonan Insular di Bonaire, Sint Eustatius i Saba. E diskushonnan aki lo enfoká riba tópikonan inkluyendo resiliensia, seguridat i sostenibilidat. Adishonalmente, e bishita ta inkluí un programa diverso di kòmbersashonnan ku residentenan, empresarionan i organisashonnan di sosiedat sivil.
Na Kòrsou, Promé Minister lo keda informá riba e retonan (sosial) riba e isla durante un reunion di sena ku organisashonnan sivil i komunidat empresarial. E mainta di 14 di mei ta kuminsá ku un reunion na e base di Parera pa loke ta trata e situashon geopolitiko den Karibe. Despues lo sigui un bishita na Museo di Tula. Den oranan di atardi, Promé Minister lo atendé un reunion riba revitalisashon di bario. Tambe Promé Minister Jetten lo risibí un rekorido di e parke di bateria nobo di e kompania di energia Aqualectra.
