MARK CARNEY; promé minister kanades.
STRAATSBURG (AFP).- E promé minister kanades, Mark Carney, a ignorá e menasanan di Donald Trump i ayera den Parlamento Europeo a selebrá e idea pa un “aliansa nobo” di su pais ku Union Europeo. Esaki a keda presentá komo un garantia di “outonomia stratégiko”.
Donald Trump a rematá kontra e inisiativa anunsiá i a menasá na kòrta e relashonnan komersial, ounke ku Brussel a suprayá ku e akuerdo no ta bai kontra di Washington. “Ningun hende ta bisa nos kua idioma nos tin ku papia, ningun hende ta bai dikta nos kultura i ku ken nos por yega na akuerdonan internashonal”, segun Carney a deklará na periodistanan.
Den un konteksto di distansiamentu ku Washington, aliado tradishonal di Brussel, Otawa, e hefe di Komishon Europeo, Ursula von der Leyen, ayera a proponé pa Canada bira e promé “miembro asosiá” dje bloke. E gesto aki a molestiá e presidente republikano, kende djárason anochi a konsiderá komo “un akto hostil” i a menasá ku imponé “belasting hopi serio” òf stòp di “hasi komersio ku Europa.
“E proposishon pa reforsá nos asosiashon ku Canada no ta dirigí kontra di ningun hende”, segun Olof Gill, bosero di Komersio di Komishon Europeo.
E inisiativa presentá pa Von der Leyen ta koinsidí ku e bishita di e promé minister kanades, Mark Carney, na e sede di Parlamento Europeo na Straasburg, kaminda ayera el a tira un diskurso.
“Nos ta kompartí algu balor komun i pa e motibu ei semper nos a lucha i tin un defensa mediante kua semper nos mester keda vigilante”, Carney a bisa mas aleu.
