MADRID, AP.- un muhé a duna lusa na un beibi ku mikrosefalia asosiá ku e vírus di Zika. Esaki ta e promé kaso detektá na Spaña. Asina funshonarionan di salú a informá.E defekto a wòrdu detektá den mei i Hospital Universitario Vall d’Hebron, a anunsiá djaluna ku tantu e mama komo e beibi tabata den kondishon stabil.
E mama, kende no a keda identifiká, a biaha na komienso di aña pa Sur Amérika, kaminda el a haña Zika. E vírus transmití pa sangura por kousa mikrosefalia den beibinan resien nasí. E enfermedat ta provoká beibinan ku ta nase ku un kabes apnormalmente chikitu i daño serebral. E fenómeno a wòrdu detektá pa promé biaha na Brasil.
Segun e wèpsait di Ministerio di Salú, Spaña a registrá 190 kaso di infekshon pa Zika kaminda tur, ménos un, di e kasonan a wòrdu kontraé den estranhero. Un kaso di infekshon pa transmishon seksual a tuma lugá na Madrid.
