JACKSON, MISSISSIPPI, AP.- Donald Trump a invitá e lider di e movementu britániko di Brexit pa papia durante un akto di kampaña. Aparentemente, e kandidato presidensial republikano ta purbando di vinkulá su movishon “pa rekuperashon” di Merka ku e votashon sorpresivo di Gran Bretaña desidido pa bandoná Union Europeo.
Trump a invitá Nigel Farage. Un arkitekto di e kampaña pa salida di Bretaña di UE, kaminda e mester a papia riba esenario durante un diskurso djárason anochi na Jackson, Mississippi.
Farage, eks lider di partido pa Independensia di Reino Uni, a bisa ku “tur kos ta posibel” si sufisiente persona uni. El a bisa kue kampaña presidensial di Trump “lo sakudí e establesimentu”.
Den último aña e eks lider britániko a kita un gran kantidat di pro-independista di otro partidonan, pa miedu pa globalisashon i inmigrashon di gran eskala.
Farage, ku tabata un di nan ku a preshoná un referèndem dia 23 di yüni, a renunsiá komo lider di UKIP algu despues ku su banda a gana.
E polítiko britániko a indiká ku ounke su movementu no tabata esun faborito despues di enkuestanan di opinion públiko. Esaki a triunfá na final. El a premirá ku Trump, kende a apoyá e salida di Gran Bretaña di Union Europeo, por gana elekshon presidensial den novèmber.
