SAN SALVADOR, EL SALVADOR, AFP.- Míles di salvadoreño a protesta kontra bitcoin komo moneda legal na El Salvador i a pidi pa presidente Nayib Bukele respetá separashon di poder.
E dia a kaba ku un insidente pekuliar kaminda a sende un ATM di “Chivo” na kandela. Ta usa e bankomátiko aki pa manehá e kahera elektróniko ku gobièrnu a lansa siman pasa pa usa ‘bitcoins’.
E manifestantenan a bisa ku “nos ta protesta paso nos no kier e lei di bitcoin ei dor ku e no ta faboresé nos, tin ora e ta subi òf baha, e ta varia demasiado, asina un manifestante a indiká.
Trahadónan di hustisia tambe a protesta kontra medidanan di presidente Nayib Bukele. Vários hues a protestá i a bisa ku nan ta rechasá un lei di Kongreso aprobá riba 31 di ougùstùs pa retirá tur hues ku tin 60 aña di edat òf 30 aña di servisio. Esaki ta laga poder hudisial di e pais sin un terser parti di su huesnan.
