NEW YORK, AP.- Vários a kuminsá reuní den diferente siudat na Merka pa manifestá kontra e deklarashon di emergensia nashonal, emití pa presidente Donald Trump. E intenshon di e emergensia nashonal aki ta pa Trump logra haña e plaka ku e falta pa konstruí su muraya na frontera ku México.
E protestanan, organisá pa e grupo liberal MoveOn i otronan, ta kalifiká e deklarashon komo unu antidemokrátiko, antiinmigrante i basa riba un emergensia ku no ta eksistí.
E deklarashon ta kita miónes di dòler for di fondonan militar pa konstruí e muraya, e medida a wòrdu tumá pa Trump despues ku Kongreso no a aprobá e fondonan ku e mandatario a pidi pa e por konstruí su muraya. El a indiká ku e muraya aki ta nesesario pa seguridat nashonal.
Miéntras e mandatario tabata na Florida, vários manifestante a presentá dilanti di Kas Blanku i grita lemanan manera “Trump ta e emergensia nashonal”.
